صرنا عم نبكي بلا دموع

Aout 2020

صرنا عم نبكي بلا دموع!

عأحباب غابوا عن لوجود.

بلا وداع، راحوا ولك بلا رجوع

غيابن الطويل دام على طول...

صرنا عم  نبكي بلا دموع.

عليكن يا أهل الخلود.

فرحتنا الوحيده إنكن برات لقبور

نيالكن بوداعكن غسلتوا لقلوب.

نيالكن وداعكن  تحول لنور.

صرنا عم نبكي بلا دموع

عليكي يا بيروت....

عبيوت  صارت بدا هي  بيوت !

عشوارع عمبتدوب.

صرنا عم نبكي بلا دموع...

كل ما شباب صاروا برات لحدود.

تيفتشوا عمستقبل ولك حتى بين لغيوم !

صرنا عم نبكي بلا دموع

والعالم حوليكي متل الديب الكاسر عم بيحوم

تيطلعلوا حتى شقفة من لكسور.

صرنا عم نبكي بلا دموع.

عالمصدوم لي مش عارف إذا بروح!

صرنا عم نبكي بلا دموع

بعيون  مليانه جروح مش دموع!

مش عارفه شو تعبر وتبوح. 

       

بيروت 4 آب 2020 

 

 جيروم عساف    
ماستر في الترجمة - تركيز: المترجم في
ميدان المصارف والأعمال